تصورات زہنی اور مقولات عشرہ

(فرضی کہانی ۔۔۔۔ ) اسلم اور سلیم دونوں پیشہ ور چور ہیں ایک ماہ قبل جب دونوں حمید کے ڈھابے پر ملے تو اسلم نے پوچھا اسلم۔ استاد! کوئی " پتہ" بتا دو کافی بری حالت ہے سلیم۔(ادھر ادھر دیکھ کر) خبر ملی ہے شہر احمد پور ، محلہ تیلی ، گلی 4 اور تیسرا گھر لال رنگ والا دروازہ ۔۔۔ دیوار 5 فٹ ہے ۔۔ ایک نوکر اور نوکرانی ۔۔ فیملی جعفر آباد ۔۔۔ باورچی خانہ کی کھڑکی باہر کی طرف ہے۔۔۔ آگے تمہیں پتہ ہے (

(فرضی کہانی ۔۔۔۔ ) اسلم اور سلیم دونوں پیشہ ور چور ہیں ایک ماہ قبل جب دونوں حمید کے ڈھابے پر ملے تو اسلم نے پوچھا اسلم۔ استاد! کوئی " پتہ" بتا دو کافی بری حالت ہے سلیم۔(ادھر ادھر دیکھ کر) خبر ملی ہے شہر احمد پور ، محلہ تیلی ، گلی 4 اور تیسرا گھر لال رنگ والا دروازہ ۔۔۔ دیوار 5 فٹ ہے ۔۔ ایک نوکر اور نوکرانی ۔۔ فیملی جعفر آباد ۔۔۔ باورچی خانہ کی کھڑکی باہر کی طرف ہے۔۔۔ آگے تمہیں پتہ ہے (

 تصور ذہنی اور مقولات عشرہ 

Mental perception
And Aristotle’s Ten Categories
(فرضی کہانی ۔۔۔۔ )
اسلم اور سلیم دونوں پیشہ ور چور ہیں ایک ماہ قبل جب دونوں حمید کے ڈھابے پر ملے تو اسلم نے پوچھا
اسلم۔ استاد! کوئی ” پتہ” بتا دو کافی بری حالت ہے
سلیم۔(ادھر ادھر دیکھ کر) خبر ملی ہے شہر احمد پور ، محلہ تیلی ، گلی 4 اور تیسرا گھر لال رنگ والا دروازہ ۔۔۔ دیوار 5 فٹ ہے ۔۔ ایک نوکر اور نوکرانی ۔۔ فیملی جعفر آباد ۔۔۔ باورچی خانہ کی کھڑکی باہر کی طرف ہے۔۔۔ آگے تمہیں پتہ ہے
(اسلم جب دیوار کود کر سارا مال لوٹ کر نکلنے لگتا ہے تو اچانک اس کے ہوش اڑ جاتے ہیں کیونکہ وہ نوکرانی اس کی پہلی بیوی تھی !!!! )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس کہانی سے درجہ زیل مطالب کو سمجھیے !!! 👍
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 خیال imagination عموما اچانک اور حادثاتی Accidentals ہوتے ہیں مگر ہر خیال منطقی تصور یا مفہوم نہیں ہوتا
 حکیم ارسطو کے مطابق عقل کے افعال تین ہیں

1۔ مفرد Singular

تصور مجرد جو خاکہ خیال آپ کے ذہن میں آتا ہے جیسے لفظ (چور)

 2۔ مرکب compound

موضوع subject اور محمول object کا حکم جیسے ( اسلم چور ہے)
اس جملہ میں اسلم موضوع اور چور محمول ہے

3۔ لازم essential

قیاس جو دو مقدمات پر مشتمل ہو اور کوئی نتیجہ دے
جیسے
ہر چور مال چراتا ہے اسلم چور ہے لہذا وہ مال چراتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 گویا حكيم ارسطو کی منطق کو تین حصوں میں تقسیم کیا جاتا ہے

1۔ مقولات ۔۔۔۔۔۔۔
👈 منطق تصوری یا منطق مفہومی
ایسی منطق جو فقط الفاظ کے تصور تک یا اس کی ذہنی سوچ تک ہو

2۔ عبارة۔۔۔۔۔۔۔۔۔ قضايا کی بحث یا
👈 منطق حکمی
ایسی منطق جو تصور ذہنی سے آگے ان الفاظ کو جوڑ توڑ کرکے کوئی مفہوم نکال سکے

3۔ تحليلات اولی و ثانوی یعنی قیاس جامع۔۔۔ یا
👈 منطق استدلالی
ایسی منطق جو کسی کلی جملہ سے آگے پیش گوئی کر سکے
جیسے (استاد! کوئی ” پتہ” بتا دو کافی بری حالت ہے)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منطق تصوری
 تصور سے مراد ۔۔۔
اس سے مراد کسی مفرد کی معرفت یا اس کا ادراک
یا ایسا تصور عقلی جو نفی یا اثبات سے خالی ہو
یا ایسا تصور عقلی جسے سچ یا جھوٹ کی نسبت نہ دی گئی ہو
جیسے انسان ، حیوان ،سورج،زمین،خوشی ، غم ،روح ،نفس
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفہوم ذہنی کی دو قسمیں ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
🔸1۔ بدیہی axiomatic
جیسے دو اور دو چار ہوتے ہیں

🔸2۔ نظری theoretic
جس میں غور و فکر کرنا پڑے جیسے زمین کا قطر نکالنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 حد اور قیاس یا برہان
boundary and Syllogism or argumentation
 حکیم ابن سینا۔۔ کے مطابق علم تصور و تصدیق کا نام ہے تصور حد سے اور تصدیق برہان یا قیاس سے حاصل ہوتے ہیں
لہذا تصور ذہنی کو سمجھنے کے لئے حدود کو سمجھنا لازم ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حد کی تعریف

 حکیم ارسطو کے مطابق ۔۔۔ ایسا قول جو کسی شئے کی ماہیت پر دلالت کرے
🔸دوسرے لفظوں میں ایسی صفات جو کسی شئے کی ماہیت کا حصہ ہو اور اس شئے کو دوسری اشیاء سے ممتاز کرتی ہوں
🔸یا کسی چیز کا اس طرح سے احاطہ کرنا کہ جو اس کی حقیقی صفات ہیں وہ اس میں ثابت ہو جائیں اور جو حقیقی نہیں ہیں وہ جدا نظر آئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صفات کی اقسام Kinds of Properties
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الف۔ ذاتیہ regular or frequent
اس سے حد تام حاصل ہوتی ہے جو جنس قریب اور فصل سے وجود میں آتی ہے
جیسے انسان حیوان ناطق ہے

ب۔ عرضیہ occasional or irregular
اس سے حد ناقص حاصل ہوتی ہے جو جنس بعید اور فصل سے وجود میں آئے یا فقط فصل سے بنے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حدود کی دو مشہور اقسام ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1۔ کلی جزئی کا مفہوم ذہنی
🔸جزئی
جو فقط کسی ایک چیز یا شئے کو کہتے ہیں جیسے اسلم
🔸 کلی
جو کثیر جزئیات کا مجموعہ ہو جیسے انسان یا چور
اس کی 5 اقسام ہیں

1۔جنس Genus
جو مختلف حقائق پر مشتمل جزئیات کا مجموعہ ہو
وہ کیا ہے؟ سوال کے جواب میں کہنا حیوان

2۔ نوع Species
جو کئی موافق اور ملتے جلتے حقائق کی جزئیات کا مجموعہ ہو جیسے انسان

3۔ فصل difference
جیسے انسان ناطق ہے یعنی بولنے والا ہے دوسرے حیوانوں سے فرق difference کے لئے

4۔ خاصہ property
جیسے ہنسنا رونا جو سب انسانوں کی خاصیت ہے
مثلا ہر چور کی خاصیت چوری کرنا ہے

5۔ عرض عام accident
ایسی کلی مفہوم جو اصل میں خارج ہے مگر کسی مشترکہ سبب سے ادھر بھی استعمال ہوا ہو
جیسے انسان کا چلنا پھرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2۔ مقولات عشرہ کا مفہوم ذہنی
Ten categories of Mental perception
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقولہ کا لفظ قول سے مشتق derived ہے جس کا معنی تعلق یا رشتہ سے کیا جا سکتا ہے
عام طور پر مفہوما اسے category سے تعبیر کرتے ہیں
جو دو قسموں میں تقسیم ہوتے ہیں جوہر عرض
عرض کی کل تعداد 9 ہے جو جوہر کو ملا کر 10 بن جاتے ہیں

🔼 الف۔ جوہر ۔۔۔۔۔ substance

🔸ہر وہ شئے جس کی کوئی ذاتی مستقل صفت ہو
جیسے پانی ہوا آگ
🔸متکلمین کے نزدیک جوہر جسے تقسیم نہ کیا جا سکتا ہو ورنہ وہ جسم بن جائے گا

🔼ب ۔ عرض

🔸1۔ کمیت ۔۔۔۔۔۔۔ Quantity
جیسے دیوار کی اونچائی (پانچ فٹ) ہے۔۔۔ دو کلو

🔸2۔ کیفیت ۔۔۔۔ Quality
جیسے پیشہ ور ۔ سیاہ سفید ۔ گورا کالا

🔸3۔ اضافت یا نسبت ۔۔۔۔۔ Relation
جیسے باپ ہونا (جو اولاد کے بعد کا مفہوم ہے)

🔸4۔ جگہ یا مقام ۔۔۔۔۔ place
جیسے گھر میں ۔ جعفر آباد میں ۔۔ باورچی خانہ میں

🔸5۔ وقت ۔۔۔۔ Time
جیسے بارہ بجے یعنی وقت۔۔۔ آج کل ۔ ماہ و سال

🔸6۔ حالت ۔۔۔۔ position
جیسے بیٹھا ہے یا کھڑا ہے

🔸7۔ عادت ۔۔۔۔۔۔۔ state / habitus
جیسے شلوار قمیض پہننا

🔸8۔ فعل یا کام یا سرگرمی ۔۔۔۔ activity
جیسے چوری کرنا۔ آگ لگانا ی۔ کاٹنا

🔸9۔ فعل کا اثر قبول کرنا affection/ Passivity
جیسے جلنا یا کٹنا